АШУҮИС-ийн Зочин профессор Япон улсын Кобе хотын Надейшико шүдний эмнэлгийн захирал Курадо Казухиро ирлээ

АШУҮИС-ийн Зочин профессор Япон улсын Кобе хотын Надейшико шүдний эмнэлгийн захирал Курадо Казухиро нь Нүүр ам судлалын сургуулийн НАЭА-н оюутнуудад суралцах хугацаанд нийт 6 удаа буюу жилд 2 удаа сургалт зохион байгуулдаг уламжлалтай бөгөөд 2026-2027 оны хичээлийн жилийн ээлжит сургалт 09 сарын 17-ны өдөр “Хүүхдийн байнгын нэгдүгээр их араа шүдийг цоорлоос хамгаалах аргууд” сэдвийн хүрээнд зохион байгуулагдлаа. 

Тус сургалтад АШУҮИС-ийн НАСТЭ-ийн Нүүр амны эрүүл ахуйн тасгийн эрүүл ахуйч нар,  Нүүр амны эрүүл ахуйчийн II ба III дамжааны нийт 40 оюутан хамрагдсан. Энэ удаагийн сургалтыг оюутнууд цэгцтэй, дэс дараалалтай цогц мэдлэг олгож байгаад сэтгэгдэл өндөр, баярлаж байгаагаа илэрхийлэн өөрсдийн гараар хийсэн бүтээлээ дурсгалаа.