Нүүр ам судлалын сургуулийн Нүүр амны технологи, эрүүл ахуйн тэнхим нь Нүүр амны техникч болон нүүр амны эрүүл ахуйчдыг бэлтгэн гаргадаг Монгол улсын цорын ганц нэгж юм. Монгол улсад нүүр амны технологи нэвтэрч шүдэлбэр бэлтгэж эхэлсэн үе болох 1938 оноос нүүр амны техникч бэлтгэх сургалтын үндэс тавигдсан гэж үздэг. 1961 оноос албан ёсны техникчийн курс хичээллэж эхэлсэн бөгөөд 1965 онд Анагаах ухааны дунд сургуульд Шүдний техникчийн ангийг нээх жил бүр тасралтгүй техникч бэлтгэж байгаад 1990 онд сургалтыг зогсоож байсан түүхтэй.

1998 онд Шүдний техникчийн ангийг эргэн нээж хичээллэж эхэлсэн бөгөөд бүтэц зохион байгуулалтыг шинэчлэн 2003 онд Нүүр ам судлалын сургуульд Нүүр амны технологийн тэнхимийг шилжүүлэн ажиллуулаад одоог хүртэл тасралтгүй сургалтын үйл ажиллагааг явуулж байна.

2009 оноос хойш НАСС нь нүүр амны эрүүл ахуйчдыг бэлтгэх эхэлсэн түүхтэй бөгөөд 2017 онд АШУҮИС-ийн захирлын тушаалаар Нүүр амны технологи болон Нүүр амны эрүүл ахуйн сургалтыг явуулдаг тэнхимүүдийг нэгтгэн одоогийн Нүүр амны технологи, эрүүл ахуйн тэнхим байгуулагдаж байсан.

НАСС-ийн НАТЭАТ-ийн одоогийн бүрэлдэхүүнд /2022-2023/ тэнхимийн эрхлэгч АУ-ны магистр Э.Билгүүн, ахлах багш АУ-ны доктор Ш.Батсүх, ахлах багш АУ-ны доктор Ж.Дэлгэрцэцэг, дадлагажигч багш АУ-ны доктор П.Эрдэнэбулган, дадлагажигч багш АУ-ны магистр Ц.Содхончимэг нар ажиллаж байна.

Сургалтын үйл ажиллагаандаа нийт 95 багц цагтай, Боловсролын магадлан итгэмжлэлийн үндэсний зөвлөлөөр 2 удаа амжилттай магадлан итгэмжлэгдсэн, Дээд боловсролын дипломын сургалтын хөтөлбөрөөр Нүүр амны техникч мэргэжилтэнг, нийт 101 багц цагтай, Дээд боловсролын дипломын сургалтын хөтөлбөрөөр Нүүр амны эрүүл ахуйч мэргэжилтэнг тус тус суурь болон мэргэжлийн, мэргэжшүүлсэн хичээлүүдийг нийт 50 гаруй багш нар хамтран бэлтгэж байна.