“Шилдэг урлаач – 2025” шүд урлахуйн олимпиад амжилттай зохион байгуулагдлаа

АШУҮИС, НАСС-ийн Нүүр амны технологийн тэнхим, Нүүр амны согог заслын тэнхим, Нүүр амны технологийн ангийн 2015 оны төгсөгчид, Prosthodontics club хамтран жил бүр зохион байгуулагддаг "Шилдэг урлаач-2025" шүд урлахуйн олимпиадыг 13 дах жилдээ амжилттай зохион байгуулж “ШИЛДЭГ УРЛААЧ” оюутнуудаа шалгарууллаа. Олимпиадад АШУҮИС-ийн НАСС, Этүгэн их сургуулийн НАСС-ийн нүүр амны их эмчийн ангийн болон нүүр амны технологийн ангийн нийт 58 оюутан оролцов. Тэмцээн нь оюутны гарын ур дүйг суурь хичээлийн мэдлэгтэй уялдуулан сорих зорилготой ба жил ирэх тусам оюутнуудын хамрах хүрээ нэмэгдэж байгаа нь ажиглагдаж байна.  Мөн Нүүр амны технологийн 2015 оны төгсөгчид тэмцээний ерөнхий ивээн тэтгэгчээр оролцсонд талархал ирэлхийлье.

Энэ удаагийн тэмцээнд

• Тэргүүн байр АШУҮИС-ийн НАСС-ийн НАТ ангийн 3-р дамжааны оюутан Н.Бат-Амар,
• Дэд байр Этүгэн Их Сургуулийн НАСС-ийн НАИЭ ангийн  3-р дамжааны оюутан К.Аллаберген,
• Гуравдугаар байр АШУҮИС-ийн НАСС-ийн НАИЭ ангийн 3-р дамжааны оюутан Г.Хонгорзул,
• Тусгай байр АШУҮИС-ийн НАСС-ийн НАИЭ ангийн 5-р дамжааны оюутан Б.Анужин нар тус тус шалгарлаа.