АШУҮИС-Нүүр Ам Судлалын Сургууль ОССТЕМ МОНГОЛ компанитай хамтын ажиллагааны гэрээ байгууллаа

АШУҮИС-Нүүр Ам Судлалын Сургууль 2025 оны 02 сарын 10-ны өдөр ОССТЕМ МОНГОЛ компанитай хамтын ажиллагааны гэрээг нэг жилийн хугацаатай байгууллаа. Хамтын ажиллагааны хүрээнд Нүүр ам судлалын сургуулийн нүүр амны их эмч мэргэжлийн төгсөх дамжааны оюутнууд болон Нүүр амны мэс засал, Шүдний тулгуур эд судлал мэргэжлээр төгсөлтийн дараах сургалтанд суралцаж буй резидент эмч нарт зориулсан имплантын мэдлэг болон дадлага сургалтыг шаталсан хэлбэрээр зохион байгуулах бөгөөд эхний шатны имплантын суурь онолын мэдлэг олгох лекцийг амжилттай зохион байгуулаад байна. Цаашид суралцаж буй нийт төгсөх дамжааны оюутнуудад болон резидент эмч нарт 3 удаагийн онолын мэдлэг олгох лекцийг зохион байгуулах ба 10-15 суралцагчийг нэг групп болгон имплантын гардан дадлага хичээлийг 2024-2025 оны хичээлийн жилд багтаан зохион байгуулах юм. Шаталсан сургалтыг амжилттай дүүргэсэн нийт суралцагчдад сертификат олгох бөгөөд сургалтын эхний шатанд хамрагдсан оюутнууд болон резидент эмч нар сэтгэл хангалуун байгаагаа илэрхийлэн имплантын гардан сургалтандаа идэвхтэй хамрагдах тухай лекцийн үеэр хэлж байлаа.