"АШУҮИС-ийн хүндэт профессор асан Жи Хеүн Тейк багшийн нэрэмжит тэтгэлэг" гардуулах үйл ажиллагаа боллоо

АШУҮИС-ийн хүндэт профессор асан Жи Хеүн Тейк багшийн нэрэмжит тэтгэлгийг 2024-2025 оны хичээлийн жилд Шүдний их эмч, Нүүр амны техникч, Нүүр амны эрүүл ахуйч мэргэжлээр суралцаж буй 8 оюутанд 18 сая 800 мянган төгрөгийн тэтгэлгийг НАСС-ийн захирал болон курс хариуцсан тэнхимийн эрхлэгчдийн хамт гардууллаа. Энэхүү тэтгэлэг нь Нүүр амны эрүүл ахуйч, Нүүр амны техникч мэргэжлээр суралцаж буй тус бүр нэг оюутанд сургалтын төлбөрийн 100 хувийн тэтгэлэг, Шүдний их эмч мэргэжлээр суралцаж буй урлаг, сурлага, нийгмийн идэвхээр манлайлагч 3-6-р дамжааны тус бүр 1 оюутанд 100 хувийн сургалтын төлбөрийн тэтгэлэг гардууллаа. АШУҮИС-ийн хүндэт профессор асан Жи Хеүн Тейк багш нь  2005 оноос эхлэн  Монголын Нүүр ам судлалын салбарт онцгой хувь нэмэр оруулсан бөгөөд НАСС-ийн орчин үеийн сургалтын баз эмнэлэг байгуулахад хандив, тусламж үзүүлж байсан бөгөөд тухайн жилээс эхлэн НАСС-ийн оюутнуудад сургалтын төлбөрийн тэтгэлэг олгож эхэлсэн байна. Мөн НАСС-ийн багш нарын эрдэм шинжилгээ, эмнэлзүйн ур чадварыг дээшлүүлэх, оюутан сурагчдын солилцооны хөтөлбөр зэрэг гадаад харилцааг өргөжүүлэхэд онцгой дэмжлэг үзүүлж байсан эрхэм юм.